Man of the Millennium

இந்த நூற்றாண்டின் மாமனிதரை பற்றிய பதிவிது :)

1940 ஆம் ஆண்டு,திருநெல்வேலி மாவட்டம் ,மேலக்கருவேலங்குளம் என்கிற குக்கிராமத்தில்,இவர் பிறந்தார்.தன்னுடைய முதலாம் அகவையிலேயே தந்தையை இழக்க,அம்மா தான் இவரையும் இவர் அண்ணனையும் வளர்த்தாங்க.

இவர் ஊர்ல சாலை வசதிகள் இல்லை,பள்ளிக்கூடம் இல்லை,அவசரத்துக்கு தீப்பெட்டி வாங்க கூட ஒரு பெட்டிக்கடை கிடையாது ,போக்குவரத்து வசதி எதுவும் இல்ல,அவ்வளவு ஏன், மின்சாரமே கிடையாது.ஊர்ல மொத்தமாவே 35 வீடுகள் தான்.

தினமும் பள்ளிக்கு செல்ல 10 கிலோமீட்டர் நடந்தே போகணும் .இரவு மண்ணெண்ணெய் விளக்குல தான் பள்ளிப்பாடம் படித்தார்.

பள்ளிப்படிப்பை முடிச்சதுக்கு அப்புறம் ,கல்லூரி படிப்பில்,இளங்கலை படித்தபின், முதுநிலை படிக்க தமிழை விருப்பப்பாடமாக தேர்தெடுத்தார்.

ஆனால்,கல்லூரில் இவர் மட்டுமே தமிழை தேர்ந்தெடுத்ததால்,கல்லூரி நிர்வாகம் இவரை வேறு ஏதாவது பாடத்தை தேர்ந்தெடுக்கும் படி கேட்டுக்கொண்டது.ஆனால் ,இவரோ தமிழ் தான் படிப்பேன் என விடாபிடியாக தமிழை படித்தார்.

கல்லூரியில் படித்து கொண்டிருக்கும் போது,இந்தியா சீனா போர் நடந்து கொண்டிருக்கும் வேளையில்,வானொலியில் ,நம் நாட்டின் முதல் பாரத பிரதமர் ஜவஹர்லால் நேரு அவர்கள் பேச்சை கேட்டு ,தன்னிடம் இருந்த 8 சவரன் தங்க சங்கிலியை தேசிய பாதுகாப்பு நிதிக்காக அன்றைய முதலமைச்சர் காமராஜரிடம் கொடுத்து அவரின் பாராட்டை பெற்றார்.

பிறகு நூலக அறிவியல் படித்து ,தங்க பதக்கம்(Gold Medalist ) பெற்றார்.

1963 ஆம் ஆண்டு தூத்துக்குடி மாவட்டம் ,திருவைகுண்டத்தில் உள்ள , ஸ்ரீ குமர குருபர சுவாமிகள் கலைக் கல்லூரியில் நூலகரா பணியில் சேர்ந்து ,கிட்டத்தட்ட 35 ஆண்டுகள் கழித்து 1998 ஆம் ஆண்டு ஓய்வு பெற்றார்.

35 ஆண்டுகள் ,அதாவது 420 மாதம் ,மாதமாதம் தன் சம்பள பணம் அனைத்தையும் ,ஏழை குழந்தைகள் படிப்பிற்காக,வைத்திய செலவிற்காகவும், மாவட்ட ஆட்சியரிடம் கொடுத்துவிடுவார். அவர் 30 ஆண்டு சம்பாதித்த பணம் 30 லட்சம் !!! 30 லட்சமும் ஏழை குழந்தைகளுக்காகவே !!

சரி,மொத்த சம்பளத்தையும் சேவைக்காக கொடுத்துவிட்டால் ,அவரின் உணவு மற்றும் இதர செலவுக்கு பணம் தேவைப்படும் தானே ? அதனால் கல்லூரி முடிந்ததும்,மாலை வேலையில்,ஆர்யாஸ் உணவகத்தில் சர்வராக பணிபுரிந்தார்.

கல்லூரி விடுமுறை நாட்களில் காலையிலும் பணி செய்தார்.மாத சம்பளம் 600 ரூபாய்,மூன்று வேல உணவும் ,தங்க இடமும் கிடைத்தது,அவருக்கு அதுவே போதுமானதாக இருந்தது.

இப்படி தன் வாழ்நாள் முழுவதையுமே ஏழை குழந்தைகளாகவே அர்ப்பணித்தார்.இந்த அர்பணிப்பின் காரணமாக இவர் திருமணம் செய்து கொள்ளவில்லை.

இவர் பெற்ற விருதுகளை பட்டியல் இடுகிறேன் :

இந்திய அரசாங்கத்தால்,இந்தியாவில் சிறந்த நூலகர் விருதை பெற்றார்.

உலகப்புகழ் பெற்ற கேம்பிரிட்ஜ் பல்கலைக்கழகம் ,இவருக்கு "Noblest Man of the World " விருதை கொடுத்தது.

இருபதாம் நூற்றாண்டின் மிக சிறந்த மனிதர் என்று United Nations அறிவித்தது.

ஒரு அமெரிக்கா நிறுவனம் ,இவருக்கு "Man of the Millennium " விருதை குடுத்து,இந்திய மதிப்பில் சுமார் 30 கோடி ரூபாய் பணமும் பரிசாக குடுத்தது.அந்த 30 கோடியையும் ,ஏழைகளுக்காகவே கொடுத்துவிட்டார்.

இவர் அளித்த பேட்டியில், அவரின் கருத்துக்களை பகிர்கிறேன் .

" என் அம்மா எனக்கு மூணு பாடங்களை சொல்லிகொடுத்திருக்காங்க.

முதல் பாடம் - எதற்கும் பேராசை படாதே.

இரண்டாம் பாடம் - எது கிடைத்தாலும் பத்தில் ஒரு. பங்கு இல்லாதவர்களுக்கு கொடு.

மூன்றாவது பாடம் - தினமும் ஒரு உயிருக்கு நன்மை செய்தால் வாழ்நாள் முழுவதும் சந்தோசமாக இருக்கலாம்.

இது தான் அம்மா எனக்கு சொல்லி கொடுத்த பாடம்.

அன்பு என்பது மனிதர்களிடம் வைக்கும் அன்பு மட்டும் அல்ல, எல்லா உயிரினங்கள் கிட்டயும் வைக்கணும்.அந்த அன்பு வச்சா மட்டும் தான் வாழ்க்கையில உண்மையாகவே சந்தோசமாக வாழ முடியும்.

நமக்காகவே வாழாம ,எப்போ மத்தவங்களுக்காகவும் வாழ ஆரம்பிக்கிறோமோ அப்போ தான் நமக்கு ஒரு இன்பமான வாழ்க்கை நிலையா கிடைக்கும்.

எனக்கு பணத்தின் மீது எந்த ஈர்ப்பும் இல்லை.ஒருத்தருக்கு பணம் மூணு விதத்துல கிடைக்கும்.

ஒன்னு மூதாயர்கள் சேர்த்து வைத்த பரம்பரை சொத்து 

இரண்டாவது சுய உழைப்பால் சம்பாதித்த பணம் 

மூணாவது பிறர் மூலம் அன்பளிப்பாக டொனேஷனாக கிடைக்கும் பணம்.

ஆனால் எவ்வளவு தான் நம்ப சம்பாரிச்சாலும்,சம்பாரித்த பணத்தை ஏழைகளுக்கு கொடுத்து அதுல கிடைக்கிற மனத்திருப்தி வேற எதுலயும் கிடைக்காது ".என கூறினார்.

இவரின் சேவை குணத்தால் காமராஜர் ,MGR ,நெல்சன் மண்டேலா,பில் கிளின்டன்,அப்துல் கலாம் அய்யா,மன்மோகன் சிங் போன்ற தலைவர்களின் பாராட்டையும் பெற்றார்.

என்னை பொறுத்தவரை இந்த நூற்றாண்டின் மாமனிதர் இவரே.

தற்போது பாலம் என்ற தொண்டு நிறுவனத்தின் மூலம் ஏழைகளுக்கு சேவையாற்றி வருகிறார்.

" என்னால் இந்த வயதில் உழைத்து ஏழைகளுக்கு சேவை செய்ய முடியவில்லை,ஆதலால் இருப்பவர்களிடம் இருந்து இல்லாதவர்களுக்கு உதவிகளை சென்றடைய ஒரு பாலமாக இருந்து வருகிறேன் " என்றார்.

Man of the Millennium,அய்யா திரு."பாலம்"கல்யாணசுந்தரம்

நன்றி :)

Fermi Paradox

நாம் அவ்வபோது கண்டுபிடிக்கும் பல கெப்ளர் கிரகங்களை விட மிக மிக அபூர்வமான ஒரு மர்ம கிரகம், சுற்றி பல கிலோமீட்டருக்கு கண்ணுக்கு எட்டிய தூரம் வரை தகிக்கும் மணல் நிரம்பிய பாலைவனதில் நடுவே ஒரே ஒரு ஒற்றை ரோஜா பூத்திருப்பதை போல "Observable univerce " என்று சொல்ல கூடிய 9300 கோடி ஒளி ஆண்டுகள் அளவு பரவிய பாலைவனத்தில் ஒற்றை ரோஜாவாய் நீரும் ,காற்றும், பசுமையும் விலங்குகளையும் பறவைகளையும் ,உங்களையும் என்னையும் கொண்ட ஒரு உயிருள்ள கிரகமாக பூமி இருப்பது மிக பெரிய மர்மங்களிலும் மர்மம். கிட்ட தட்ட 50... 55 வருடங்களாக தேடி கொண்டிருக்கின்றோம்.

இவ்ளோ தூரத்துக்கு ஒருத்தன் கூடவா துணைக்கு இல்லை ??

இதை பற்றி பல கோட்பாடுகள் உண்டு

அதில் Fermi paradox கள் மிக பிரபலம்.

இந்த தலைப்பை பற்றி பல பேர் பல கருத்துக்கள் சொல்லி இருந்தாலும் இப்போது நாம் குறிப்பாக Fermi யை நாடுவதற்கு காரணம் உண்டு. அதை அறிய முதலில் fermi பற்றி 4 வரிகள் தெரிந்து கொள்வோம்.

இவர் ஒரு Italian-American physicist . முழு பெயர் Enrico Fermi.

statistical mechanics இல் புகழ் பெற்ற இவர் தான் நியூட்ரினோவின் இருப்பை பற்றி முதலில் எடுத்து சொன்னவர். உலகின் முதல் நியூக்ளியர் ரியாக்டரை கட்டமைத்தது வேறு யாரும் அல்ல இவர் தான்.  முதல் அணுகுண்டு உருவாக்கம் அதிலும் இவருக்கு முக்கிய பங்கு உண்டு. 1938 நோபல் பரிசை பெற்ற விஞ்ஞானி இவர். 

இவரிடம் ஒரு தனி தன்மை இருந்தது அதாவது சின்ன சின்ன நடைமுறை டேட்டாகளை வைத்து பெரிய பெரிய விஷயங்களை கணிபதில் கில்லாடி.

உதாரணமாக முதல் அணுகுண்டு சோதனையின் போது அதன் சக்தி என்னவாக இருந்தது என்பதை பிற்பாடு நிறைய ஆய்வுகள் எல்லாம் செய்து பார்த்து சொன்னார்கள் 

ஆனால் வெடி நடந்த நேரத்தில் fermi காற்றில் சில சின்ன சின்ன துண்டு காகிதங்களை பறக்க விட்டு வேடிக்கை பார்த்து விட்டு அது காற்றில் பயணிக்கும் தூரத்தை வைத்து காற்று அழுத்தம் மாறுபாட்டையும் அதன் மூலம் வெடிப்பின் சக்தியையும் கிட்ட தட்ட சரியாக அப்போதே ஆய்வுகள் ஏதும் இன்றி சொன்னார்.

அப்படி பட்டவர் 1950 இல் இந்த பிரபஞ்சத்தில் நாம் நோக்கி இன்று வரை நாம் அறிய கிடைத்த தகவலை வைத்து சொன்ன சில (ஒன்றுக்கொன்று முரண்பாடான) கருத்துக்கள் தான் Fermi paradox.

முதலில் ubservable univarse பற்றிய சில சின்ன சின்ன( ! ?) டேட்டாகள் :

முதலில் இந்த அண்டதின் வயது எவ்ளோ தெரியுமா ? 13.82 பில்லியன் ஆண்டுகள் ஆகிறது இந்த பிரபஞ்சம் தோன்றி. அதாவது 1382 கோடி ஆண்டுகள். பிக் பேங் வெடிப்புக்கு பின் பிரபஞ்சம் விரிவடையும் வெகம் கூடி கொண்டே போவதால் இன்று நமது பிரபஞ்சம் 9300 கோடி ஒளியாண்டுகள் அளவு பறந்து விரிந்துள்ளது.

 இந்தளவுக்கான பரப்பளவை கற்பனை செய்வது கடினம். இது மனித கற்பனைக்கு அப்பாற்பட்ட ஒரு அளவு. இதில் உள்ள மொத்த நட்சத்திரத்தின் எண்ணிக்கையை எழுத நீங்கள் 10 பக்கத்தில் 26 சைபர் போட்டு பிறகு அதனை septillian களாக மாற்ற வேண்டும். (மொத்தமாக ஒரு 60 சைபருக்கு மேல் தேறும்.)

அண்டத்தில் உள்ள மொத்த காலக்சியின் எண்ணிக்கை 100 பில்லியன். இதில் 50 sextillian பூமி போன்ற கிரகங்கள் உள்ளன.

நம்ம பால் வெளி திரள்வரை மட்டும் பார்த்தோமேயானால் கூட 100 இலிருந்து 400 பில்லியன் நட்சத்திரங்களும் 100 பில்லியன் பூமி போன்ற கிரகங்களும் இருக்கின்றன. 

நமது கேலக்சியின் வயது 13.21 பில்லியன் ஆண்டுகள். இதன் பரப்பளவு 1 லட்சம் ஒளி ஆண்டுகள் அளவு அகலம்.

இந்தளவு கற்பனைக்கு எட்டாத பரப்பளவில் நாம் மட்டும் தான் தனி ஆள் என்பது முட்டாள் தனமான கருத்து என்கிறார் பெர்மி . 

அவர் கருத்து படி 1ஐ தொடர்ந்து 16 சைபர் போட்டு அந்தளவு எண்ணிக்கையிலான மேம்பட்ட உயிரினங்கள் இந்த அண்டத்தில் இருக்கலாம் என்கிறார்.

சரி அப்படியானால் ஏன் நம்மை தவிர வேறு யாரும் கண்ணுக்கு தெரியவில்லை? அதற்க்கு பல காரணங்கள் சொல்கிறார் Fermi. 

வரிசையாக சிலதை பார்ப்போம்.

☯ இந்த பூமி உருவாகி 450 கோடி ஆண்டுகள் ஆகின்றன. நாம சில லட்சம் வருடமா தான் இங்க இருக்கோம். ஆதாவது நமக்கும் முன்பு பல கோடி ஆண்டுகள் ஏலியன் இந்த கிரகத்தை ஆண்டு அனுபவித்து விட்டு போய் விட்டன நாம தான் இங்க கால தாமதமாய் வந்து இருக்கிறவங்க.

☯ கிணற்றுக்குள் இருக்கும் தவளை எவ்ளோ சுத்தி வந்தாலும் வெளி உலகில் உள்ள உயிரினம் பற்றி அவைகளால் அறிய முடியாது என்பதை போல வெளி என்பது நம் அறிவுக்கு எட்டியத்தை விட மிக பெரியது . இதில் வெளியில் ஒரு குறிப்பிட்ட தொலைவு தாண்டி நம்மால் எதையும் கண்டுகொள்ள முடியாத படி தனிமை படுத்த பட்ட ஒரு இடத்தில் தான் நாம் வாழுகிறோம். நாம் அறிந்த அண்டம்வெறும் ஒரு கிணறு தான்.

☯ நம்மை போல சாதாரணமாக வாழ்வது குடியிருப்பு அமைப்பது இதெல்லாம் "அவர்களை "பொறுத்த வரை மிக மிக பின் தங்கிய நிலை... காரணம் அவர்கள் நம்மை போல பழைய மாடலாக வெறும் 3 டைமன்ஷனில் வாழ்பவர்கள் அல்ல. அவர்கள் நம்மால் இப்போதைக்கு அண்டமுடியாத வேறு வகை உயர்ரக பரிமாணத்தில் வாழ்பவர்கள். பிரபஞ்சத்தை நம்ம ரேஞ்சுக்கே வச்சி யோசிக்கறது நமது பிழை

☯ அங்கே ரெண்டு வகை ஏலியன்கள் உள்ளார்கள் அதில் ஒருவகை வேட்டையாடுபவை...ஆக்ரமிப்பவை. அதனால் மற்ற சாதா வகை வேற்று ஜீவிகள் தங்கள் இருப்பை மற்றும் இருப்பிடத்தை காட்டி கொடுக்கும் எந்த சிக்னலையும் அவைகள் வெளியிடுவது இல்லை.

☯ நம்மால் வெறும் காதால் கேட்க முடியாத கண்ணால் பார்க்க முடியாத ஆனால் நம்மை சுற்றியே இருக்கும் ஒரு ரேடியோவின் மின்காந்த அலை போல அவைகள் அண்டத்தில் நம்மை சுற்றி பரவி இருக்கிறார்கள் அவர்களை கண்டு கொள்ளும் அளவு நமக்கு தான் தொழில்நுட்பம் போதவில்லை

☯ மானின் நடமாட்டத்தை ஒளிந்திருந்து கவனிக்கும் ஒரு புலி போல அவர்கள் தங்களை வெளிப்படுத்தி கொள்ளாமல் நம்மை முற்றுலுமாக கண்காணித்து கொண்டு தான் இருக்கிறார்கள். நாம் அவர்களை ஆராய்வதை பற்றியும் அவர்களுக்கு தெரியும்.

☯ இது கொஞ்சம் சுவாரஷ்யமானது... அதாவது அவர்கள் நம்மை எப்போதோ தொடர்பு கொண்டு விட்டார்கள் நாமளும் பதில் சொல்லியாச்சு... அதனுடன் சில பல ஒப்பந்தம் கூட போட்டாச்சு ஆனால் நம்ம அரசாங்கம் அதை நம்மிடம் இருந்து மறைக்கிறது.

☯ மேம்பட்ட உயிரினங்கள் நிறையவே இருக்கின்றன ஆனால் அதீத இடைவெளி காரணமாக நாம் அவர்களை இன்னும் அடைய முடியவில்லை. ரொம்ப தொலைவில் உள்ளார்கள்.

இப்படி போகிறது Fermi Paradox .

அண்டத்தை பொறுத்த வரை அதன் மர்மத்தை கண்டுபிடிப்பது இன்றைய மனிதனுக்கு சாத்தியம் இல்லை என்றே படுகிறது. அண்டத்தை ஒப்பிடும் போது மனிதனின் கால கட்டம் மிக சின்னது. ஒரு 1 லட்சம் பக்கம் கொண்ட மகா புத்தம் ஒன்றில் இரு வரிகளை படித்து விட்டு கதை புரியவில்லையே என்று சொல்வது போல நாம் இந்த குறுகிய கால கட்டத்தை அளந்து ஒன்றும் கிடைக்காமல் தினறுகின்றோமா ??

 நிஜமான கதை மொத்த மனிதன் இனம் அழிந்தும் பல கோடி ஆண்டுக்கு பின் தான் தொடங்க இருக்கிறதா ..? அல்லது நாம் தான் வெறும் ஆரம்பமா மற்றவைகளின் வரவு இனி தானா ? 

அவ்வபோது பூமியை பார்வையிடுவதாக சொல்ல படும் ஏலியன்கள் எல்லாம் யார் அது நாமே தானா ?? அதாவது எதிர்காலத்தில் மேம்பட்ட இனமாக மாறிய நாம் டைம் டிராவல் செய்து நம்மையே கடந்த காலத்தில் காண அவ்வபோது வருகை தருகிறோமா ?? அல்லது நாம் பார்க்கும் உணரும் மொத்த பிரபஞ்ச நிதர்சனமும் ஒரு மாய தோற்றமா? ???

பிரபஞ்சத்தின் மர்மங்களுக்கு முடிவே இல்லை.

Masaru Emoto Water Experiment

ஜப்பான் நாட்டை சேர்ந்த  Pseudo scientist மாசறு எமோட்டோ(Masaru Emoto) என்பவர் ,நம் எண்ணங்களுக்கு அதிக சக்தி இருக்குறது என்றும் ,நம் எண்ணங்களின் மூலமா நமக்கு ஏற்படும் உணர்வு மற்றும் நாம் பேசும் வார்த்தைகள் தான் நம் வாழ்வை வடிவமைக்கிறது என உறுதியாக இருந்தார். இதை நிரூபிக்க அவர் எடுத்துக்கொண்ட கருவி

"நீர் "

நீர் இன்றி அமையாது உலகு ,நம் பூமி 70 சதவிகிதம் தண்ணீரால் சூழப்பட்டது .

நீர் இன்றி அமையாது உடல்,நம் உடலும் 60 சதவிகிதம் தண்ணீரால் உண்டானதே.

நீருக்கு நாம் நினைப்பதை விட சக்தி அதிகம் .

சரி ,கமிங் பேக் டு டாபிக், எமோட்டோ தண்ணீரை அடிப்படையாய் வைத்து ஒரு ஆய்வை மேற்கொண்டார்.

இரண்டு கண்ணாடி நீர் குடுவையில் அன்பு(Love) ,நன்றி(Thank you) போன்ற நேர்மறை வார்த்தைககளை குடுவையின் உட்புறத்தில் ஒட்டி ,

அதே போல் "நீ ஒரு முட்டாள்"," உன்னால் முடியாது " போன்ற எதிர்மறை வார்த்தைகளை மற்றோரு குடுவையின் உட்புறத்தில் ஒட்டி,

அவைகளில் நீரை நிரப்பி ,சில மணி நேரம் கழித்து அந்த தண்ணீரை உறைய வைத்து,அதை மைக்ரோஸ்கோப் வழியாக பார்க்கும்போது ,

நேர்மறை எழுத்துக்களை எழுதிய குடுவையின் நீர் படிகள்(Water Crystals) அழகிய Symmetrical வடிவத்தோடும் ,எதிர்மறை எழுத்துக்களை எழுதிய குடுவையின் நீர் அகோரமாக unsymmetrical வடிவத்தை பெற்றிருந்தன.

அதே போல் நேர்மறை மற்றும் எதிர்மறை வார்த்தைகளை நீரின் முன்பு வெளிப்படுத்தும் போதும்,நேர்மறை வார்த்தைகளுக்கு அழகிய வடிவமும் ,எதிர்மறை வார்த்தைகளுக்கு கோர வடிவமும் மைக்ரோஸ்கோப்பில் காணப்பட்டது.

நம் எண்ணங்கள் மற்றும் உணர்வுகளை நீரால் கிரகிக்க முடிகிறது, நம் எண்ணங்களால் நீரின் மூலக்கூறுகளில்(Water Molecules) தாக்கத்தை ஏற்படுத்த முடியும்,தண்ணீருக்கு உணர்வு உண்டு என மிக முக்கியமான கண்டுபிடிப்பை  எமோட்டோ கண்டுபிடித்தார்.

ஜப்பான் நாட்டில் பியூஜிவாரா அணை(Fujiwara Dam) மிகவும் மாசு படிந்து துர்நாற்றம் வீசியது .அந்த அணையின் நீர் மாதிரியை எடுத்து, எமோட்டோ பரிசோதித்தபோது ,நீர் படிகள் அகோர வடிவத்தில் இருந்தது.

சில புத்த துறவிகளை அணைக்கு அழைத்து சென்று ,பிராத்தனை தியானம் போன்று நேர்மறை எண்ணங்களை விதைத்து ,பிறகு அந்த நீரை பரிசோதித்தபோது ,நீர் படிகள் அழகிய வடிவைத்த பெற்றதாம்.துர்நாற்றம் நாளடைவில் குறைந்ததாம்.

மனிதனின் எண்ணங்கள், தன்னை மட்டும் அல்லாமல் தன்னை சுற்றிருப்பவர்களையும் ,சுற்றுசூழலிலும் பெரும் தாக்கத்தை ஏற்படுத்தும் என எமோட்டோ தான் எழுதிய "Hidden Messages in Water","The Miracle of Water","Water Crystal Healing" புத்தகங்களின் மூலம் தெரிவித்தார்.

மேலே கூறியது போல் ,நம் உடலும் 60 % நீரால் ஆனதே .நம் எதிர்மறை எண்ணங்கள் ,நம் உடலை பாதித்து Psychosomatic disorders அதாவது மனநிலை கோளாறுகள் உண்டாகி பல நோய்களுக்கு காரணிகளாகிறது.

இதெல்லாம் படித்த உடன் நீங்கள் ஆச்சர்யபட்டிருப்பீர்கள்,ஆனால் இந்த கண்டுபிடிப்பு அறிவியலாளர்களால் அங்கீகரிக்கப்படவில்லை எந்த ஒரு experiment உம் அறிவியலால் நிரூபித்தால் மட்டுமே ஏற்றுக்கொள்ளப்படும், 

ஆனால் இவர் கண்டுபிடித்த கண்டுபிடிப்போ ராமர் பிள்ளை மூலிகை பெட்ரோல் கண்டுபிடித்த மாதிரியானது அறிவியலாளர்கள் சொல்வது என்னவென்றால் நீங்கள் தண்ணீரை ஒவ்வொருமுறை உறைய வைக்கும் போதும் ஒவ்வொரு முறையும் வேறுமாதிரியான வடிவமைப்பை காட்டும்.இதனால் இந்த water experiment அறிவியாளர்களால் ஏற்றுக்கொள்ளப்படவில்லை

இவர் இதே போன்று அரிசியிலும் சில experiments செய்து காண்பித்தார் வேக வைத்த அரிசியை மூன்று ஜாடியில் வைத்து அதன் மேலும் Love, Hate, Ignore என்று எழுதி வைத்து செய்தார் ஆனால் அதன் முடிவுகளும் ஒவ்வொரு முறையும் ஒவ்வொரு மாதிரி இருந்தது..இதே போன்று உன் குழாயில் இந்த experiment செய்யப்பட்ட வீடியோக்கள் நிறைய உள்ளன.

Mr. வண்டு….Masaru emoto செய்த water experiment pseudo science காவே இருக்கட்டும்.. உண்மையிலேயே எண்ணம் போல் வாழ்க்கை scientific ஆ காரணம் ஏதும் ஒன்னு இருக்கா?

இருக்கு ஒன்னு இல்ல ரெண்டு

டோபாமின் மற்றும் கார்டிசோல் பற்றி கேள்வி பட்டிருக்கிறீர்களா ??

டோபாமின்(Dopamine) :

மனித மூளையை Complicated Organ என்று அழைப்பார்கள் .நம் மூளையில் கிட்டத்தட்ட 100 பில்லியன் நியூரான்ஸ்(Neurons) உள்ளன.

டோபாமின் எனும் ஹார்மோன் நம் உடலில் பல பணிகளை செய்கிறது. மிக முக்கியமாக, நம் மூளைக்கு நியூரோவ் டிரான்ஸ்மிட்டராக(Neuro Transmitter) பணி செய்கிறது.

எளிதாக கூறவேண்டும் என்றால்,நம் மூளையில் உள்ள நியூரான்ஸ்களுக்கு இடையே சிக்னலை பரிமாறும் ஒரு மெஸ்சேன்ஜ்ர்(messenger) பணி .

எப்படி மாணிக்கத்திற்கு ,பாட்ஷா என்ற இன்னொரு பெயர் இருக்குறதோ,அதே போல் டோபாமின்னுக்கும் இன்னொரு பெயர் உண்டு .ஹாப்பி ஹோர்மோன்(Happy hormone) என்ற பெயர்.It is a feel good hormone.

உங்கள் எண்ணங்கள் நேர்மறையாக இருந்தால் ,இந்த டோபாமின் ஹோர்மோன் உங்கள் மூளையின் செயல்திறனை அதிக படுத்தும். தன்னம்பிக்கை ,Self Motivation,தெளிவான சிந்தனை போன்ற அனைத்து நல்ல விடயங்களும் உங்களுக்கு உங்களின் மூளையின் உதவியால் ஆக்டிவேட் ஆகி விடும்

கார்டிசோல்(Cortisol) :

கார்டிசோல் , அட்ரீனல் சுரப்பியில் உண்டாகும் ஒரு ஹோர்மோன்.இதற்கும் நம் உடலில் பல பணிகள் உண்டு .நீங்கள் நேர்மறையாக சிந்திக்கும் வரை எந்த சிக்கலும் இல்லை ,நீங்கள் எதிர்மறையாக எண்ணினால் இந்த ஹார்மோன் ட்ரிகர் ஆகிவிடும் .அது நேராக உங்கள் நரம்பு மண்டலத்தை(Central Nervous system) தாக்கும்.

எளிதாக கூறவேண்டும் என்றால்,கார்டிசோல், மூளையின் முக்கியமான பாகங்களில்( peripheral cortex) பாதிப்பை ஏற்படுத்தும்.அதாவது உங்களது சிந்திக்கும் திறன், மன்னிக்கும் தன்மை,பகுப்பாய்வு,Problem solving போன்ற முக்கியமானவற்றை முழுவதும் shut down செய்து விடும். இதனால்,

மன அழுத்தம் உண்டாகி பல நோய்களுக்கு வித்திடும்.

மேலும் ,இதனால் தான் கோபத்தில் நாம் எந்த முடிவும் எடுக்க வேண்டாம் என கூறுகின்றனர்.

கார்டிசோலுக்கு இன்னொரு பெயர் உண்டு ,ஸ்ட்ரெஸ் ஹோர்மோன் (Stress Hormone).

டோபாமின் மற்றும் கார்டிசோல் இரண்டும் உடலில் சரியான அளவில் இருக்கும் வரைக்கும் சிக்கல் இல்லை.அளவுக்கு மீறினால் ஆபத்தே .

உதாரணம் : நாம் ஒவ்வொரு வரும் சில விடயங்களை பிடித்து மிக ஆர்வமாக செய்வோம்.பிறகு அதற்கு அடிமையாகி விடுவோம் அல்லவா .இதற்கு காரணம் ,அளவுக்கு அதிகமான டோபாமின் தான்.

அதே போல் ,கார்டிசோல் அளவு அதிகமானால், ஏற்கனவே கூறியது போல் மன அழுத்தத்தில் தொடங்கி,பல நோய்கள் உண்டாகும்.

சரி,இப்போது ,நம் எண்ணங்களின் சக்தியை உணர்ந்திருப்பீர்கள் என நம்புகிறேன்.

மறந்துவிடாதீர்கள் ,உங்கள் எண்ணத்திற்கு அதிக சக்தி உண்டு :)

நல்லதே நினைப்போம் ,நல்லதே நடக்கும் :)

எண்ணம் போல் வாழ்க்கை :)